2024 ОНЫ ШИЛДГҮҮДЭЭ ТОДРУУЛАН АЛДАРШУУЛЛАА
Монголын усан спорт сонирхогчдын холбоо 2024 оны шилдгүүдээ тодруулан алдаршууллаа.
Энэ оны усан спортын шилдэг эмэгтэй тамирчнаар:
ОУХМ Э.Ариунтамир Хонг Конг-д зохион байгуулагдсан цуврал тэмцээнүүдээс Алт, Мөнгө, Хүрэл медаль, Ерөнхийлөгчийн нэрэмжит цомын тэмцээний Эмэгтэй шилдэг тамирчин цомын эзэн, 50м болон 25м ДАШТ-үүдэд амжилттай оролцож Монгол улс рекорд амжилтуудыг удаа дараа шинэчлэн тогтоосон амжилтаараа
ОУХМ Б.Энххүслэн – Парис-2024 Олимпийн наадамд шалгаран оролцсон, Тайланд, Малайз, Америкийн нэгдсэн улсад зохион байгуулагдсан Олон улсын тэмцээнүүдээс Алт, Мөнгө, Хүрэл медаль хүртэж, Монгол улсын рекорд амжилтыг 10 удаа шинэчлэн тогтоосон амжилтаараа шалгарлаа.
2024 оны усан спортын шилдэг эрэгтэй тамирчнаар:
ОУХМ Б.Энхтамир – Парис 2024 Олимпын наадамд шалгаран оролцсон, Тайланд, Хонг Конг улсуудад зохион байгуулагдсан олон улсын тэмцээнүүдээс Алт, Мөнгө, Хүрэл медаль, Ерөнхийлөгчийн цомын тэмцээний эрэгтэй шилдэг тамирчин цомын эзэн, 2024 онд Монгол улсын рекорд амжилтыг 20 удаа шинэчлэн тогтоосон амжилтаараа
ОУХМ Э.Эрхэс – “11 дэхь удаагийн Азийн Өсвөр Үе Залуучуудын Аварга шалгаруулах” тэмцээний 50 м араар даллах сэлэлтийн төрөлд ХҮРЭЛ МЕДАЛЬ, АНУ-д болсон цуврал тэмцээнүүдээс Алт, Мөнгө, Хүрэл медаль, 2024 онд Монгол улсын рекорд амжилтыг 14 удаа шинэчлэн тогтоосон амжилтаараа тус тус шалгарлаа.
Мөн оны онцлох амжилтын эзэн буюу онцлох хүнээр Мастерсын тамирчин ОУХМ М. Дэлгэрхүү – 2024 оны Насанд хүрэгчидийн УАШТ-нээс 3 мөнгө хүртсэн бол 2024 оны Мастерсийн Дэлхийн АШТ-ий 3 төрөлд оролцож 6-8-р байр, Ази номхон далай орнуудын Мастерсын тэмцээнээс 3 алтан медаль хүртэж, 50м өврөөр даллах сэлэлтийн төрөлд тоглолтын рекордыг тогтоосон амжилтаараа тодорсон юм.
2024 оны усан спортын шилдэг багаар We Aquatics клуб – 2024 оны Насанд хүрэгчидийн УАШТ багийн дүнгээр 1 байр, 2024 оны Өсвөр үе залуучуудын УАШТ багийн дүнгээр 2 байр, 2024 оны Ерөнхийлөгчийн цомын тэмцээнд багийн дүнгээр 2 байр эзэлж Олимпын болон Парадимпын наадамд 3-н тамирчнаа бэлтгэн оролцуулсан амжилтаараа тус тус шалгарлаа.
Мөн тус арга хэмжээний үеэр Мастерсын олон улсын болон бүс нутгийн тэмцээнүүдэд амжилттай оролцсон П.Батбилэг, Э. Золзаяа нарыг Биеийн тамир спортын 100 жилийн ойн медаль, Д.Туяа, М.Дэлгэрмаа нарыг МҮОХ-ны Олимпын Алдар одон, Э.Оюун-Эрдэнэ, Г.Хулан, Х.Ержан, А.Содсайхан нарыг МҮОХ-ны Алтан медалиар шагнасныг гардууллаа.
