Өсвөрийн усчид аваргаа шалгаруулна

Монголын усан спорт сонирхогчдын усанд сэлэлтийн Өсвөр үе-Залуучуудын улсын аварга шалгаруудах тэмцээн 2025 оны 04 сарын 09-12- ны өдрүүдэд Эрдэнэт хотын Хангарьд спорт ордны бассейнд зохион байгуулагдана. Тус тэмцээнд нийт 32 клуб байгууллагын 7-18 насны 609 тамирчин оролцохоор бүртгүүлсэн нь бас нэгэн онцлох дээд амжилт болж байна.

Усанд сэлэгчдийн тоо эрчимтэй нэмэгдэж байгааг тооцоолон тус тэмцээнийг 4 хоног зохион байгуулахаар шийдвэр гарсан нь тамирчдынхаа ачааллыг тааруулж, тэмцээний зохион байгуулалтыг сайжруулахад чухал ач холбогдолтой юм.

Энэхүү тэмцээн нь Монголын хүүхдийн зуны спортын 3-р наадмын өмнөхөн болж байгаа нэгэн чухал сорилго тэмцээн болох болно.

Нийт тамирчдадаа спортын өндөр амжилт хүсч, зорьсон зорилгодоо хүрэхийн ерөөлийг өргөн дэвшүүлье.