Залуучуудын ДАШТ өндөрлөлөө

2025 оны 08 сарын 19-24-ний өдрүүдэд Румын улсын Отопени хотод зохион байгуулагдсан усанд сэлэлтийн Залуучуудын Дэлхийн аварга шалгаруулах тэмцээнд Монгол улсыг төлөөлөн 13 тамирчин амжилттай оролцлоо. Тус тэмцээний үеэр манай залуучуудын багийн тамирчид Монгол улсын рекордыг 3 удаа шинэчлэн тогтоосон байна. Үүнд:
1. Спортын мастер Э.Энхмэнд мэлхий сэлэлт (breaststroke)-ийн 200 метрийн зайд 2:23.08 минутын амжилтаар

2. Эрэгтэйчүүдийн буухиа уралдааны өврөөр даллах сэлэлт (freestyle)-ийн 4 х 200 метрийн зайд 8:35.91 минутын амжилтаар (Багийн гишүүд: СМ Э.Энхмэнд, СДМ- Н.Билгүүн, М.Энхбат, О.Ирээдүйнбаатар))
3. Эрэгтэйчүүдийн Холимог сэлэлт (medley)-ийн 4 х 100 метрийн буухиа уралдаанд 3:59.25 минутын амжилтаар (Багийн гишүүд: ОУХМ. Э.Эрхэс, СМ Э.Энхмэнд, СМ Э.Нинжин, СДМ Н.Билгүүн) тус тус 50 метрийн бассейны Монгол улсын рекорд амжилтыг шинэчлэн тогтоосон байна.

Тэмцээндээ амжилттай оролцсон нийт усанд сэлэлтийн Залуучуудын багийн хамт олонд баяр хүргэж спортын өндөр амжилт хүсье.