“Дакар-2026” Залуучуудын Зуны Олимпын IV наадам

Залуучуудын Зуны Олимпын IV наадам нь Африк тивд Олимпын спортын наадмыг зохион байгуулах эрх авсан анхны улс болох Сенегал Улсын нийслэл Дакар хотод зохион байгуулагдана. Дакар 2026 Залуучуудын Олимпын наадам нь спорт, нийгэм, соёл, боловсрол, эдийн засгийн өөрчлөлтийг хурдасгах хөшүүрэг болж, залууст шинэ итгэл найдвар, боломж, өөртөө итгэх итгэлийг бий болгох зорилготой юм.

Дакар 2026 нь Залуучуудын Олимпын наадмыг дэлхийн бүх бүс нутагт хүргэх, мөн Африк тивийн өөрчлөлт шинэчлэлийн төвд наадмыг байршуулах хүсэл зорилгоос үүдэн бий болсон. Сенегалын спортын соёл, дадал уламжлал нь түүхэн үндэстэй бөгөөд ард иргэд, ялангуяа залуучуудын дунд гүн гүнзгий шингэсэн байдаг. Энэхүү наадам нь харилцан уялдаа, солилцоо, баяр баясгалан, бахархлыг илэрхийлэхийн зэрэгцээ Африк, Сенегал төдийгүй дэлхийн залууст даруу зангийн бэлгэдэл байхыг зорьдог. Спорт бол баяр ёслол, хамтдаа орших амьдралын хэв маяг, энх тайван, ойр дотно харилцаа, нийгмийн эв нэгдлийг дэмжих хүчин зүйл юм.

Хойшлуулалт
2020 оны 7 дугаар сарын 17-нд болсон Олон улсын Олимпын хорооны (ОУОХ) 136 дугаар чуулганы үеэр баталсан шийдвэрийн дагуу Сенегал Улс болон ОУОХ харилцан зөвшилцөж, Дакарт зохион байгуулагдах Залуучуудын Олимпын наадмыг 2022 оноос 2026 он хүртэл хойшлуулахаар шийдвэрлэсэн.